Балаларға балабақшадан орын алуға барлық өтініштер кезекте ұйымдастырылады. Кезектің ішінде өтініштер өтініштің берілген күніне қарай орналастырылған. Яғни, өтініш неғұрлым ертерек берілген болса, оның кезектегі орны соғұрлым ұтымды болады.
Жеңілдік – бұл өтініштің берілген күніне қарай емес, ал кезекте басым орынға баланың құқығы. Баланың өміріндегі ерекше мән-жайларға байланысты.
Қолданыстағы заңнамаға сәйкес жеңілдіктер кезектен тыс және бірінші кезектегі болып бөлінеді.
Кезектен тыс жеңілдіктердің шартсыз басымдығы бар және осындай жеңілдік алуға құқығы бар баланың өтініші әрқашан кезектің басында тұрады, бұл жеңілдік мынадай адамдарға беріледі:
- әскери қызметшілердің балалары, оның ішінде қызмет өткеру кезінде қаза болған, қайтыс болған немесе із-түссіз жоғалған әскери қызметшілердің балалары;
- арнайы мемлекеттік органдар қызметшілерінің, оның ішінде қызмет өткеру кезінде қаза болған, қайтыс болған немесе із-түссіз жоғалған қызметшілердің балалары;
- құқық қорғау органдары қызметкерлерінің балалары, оның ішінде қызмет өткеру уақытында қаза тапқан, қайтыс болған немесе хабарсыз кеткендердің балалары.
Бірінші кезектегі жеңілдіктер мынадай санаттағы балаларға арналған:
- ерекше білім беруді қажет ететін балалар;
- заңды өкілдері мүгедек болып табылатын балалар;
- ата-анасының қамқорлығынсыз қалған балалар;
- жетім балалар;
- көп балалы отбасылардан шыққан балалар;
- мүгедек баласы бар отбасылардан шыққан балалар;
- заңды өкілдері педагог болып табылатын балалар.
Бірінші кезекте орын алу құқығы бар балалардың өтініштері кезектен тыс жеңілдіктерден кейін бірден орналастырылады. Алайда кезекте қарапайым өтініштерге қарай 1:3 арақатынаста орналастырылады. Яғни, бірінші кезекте орын алу құқығы бар баланың өтініші, одан кейін 3 қарапайым өтініш, содан кейін қайтадан бірінші кезекте орын алу құқығы бар баланың өтініші.
Жеңілдіктер балабақшадан орынды алуға басым құқығын бермейді. Олар кезекте ғана басымдықпен тұруға құқық береді. Бұл, әрине, басқалардан бұрын балабақшадан орын алуға мүмкіндік береді. Алайда ол үшін ата-ана кезектің қалай жұмыс істейтінін, орындардың бөлінуін білуі тиіс және қажетті әрекеттерді жасауға тиіс.
Жеңілдіктердің уақытша сипаты бар. Олар уақыт өте келе пайда болуы мүмкін де, жоқ болуы мүмкін де. Мысалы, өтініш берген кезде баланың «көпбалалы отбасы» деген жеңілдігі болмауы мүмкін, бірақ белгілі уақыттан кейін пайда болуы мүмкін.
Барлық жағдайларда Indigo жеңілдіктің бар-жоғын өзі анықтай алады – жүйе өтініштердің мәртебесін автоматтық түрде жаңартып, тиісті басымдығына сәйкес кезектегі орнын белгілейді. Дәл осылайша, егер жеңілдігі алып тасталса, жасалатын болады, мысалы, ата-анасы әскери қызметтен шығып кетсе.
Indigo жеңілдіктің бар-жоғын анықтай алмаған жағдайда растайтын құжаттарды, скан-көшірмелерін қосу қажет. Осы әрекеттерді Indigo-ның жеке кабинеті арқылы кезекке қою туралы өтінішті берген кезде немесе бар өтініштің құжаттарын жаңартқан кезде немесе білім бөлімі қызметкерлерінің көмегімен жасау қажет.