Көмек және қолдау

Порталмен жұмыс істеудің пайда болатын сұрақтарына сұрақтар мен жауаптар

Көмек

INDIGO әлеуметтік желілерінің пайдаланушыларымен жария оферта шарты


35 - 1. Осы құжат Instagram (bilim_webline) және Facebook (bilim.webline) әлеуметтік желілерінде орналасқан топтардың жарғысы болып табылады. Жарғы топқа қатысушылардың мақсаттарын, өкілеттіктерін сипаттайды және осы топтардағы нормалар мен ережелерді белгілейді және Қазақстан Республикасының Азаматтық кодексіне сәйкес жария оферта шартының бір түрі болып табылады.

35 - 2. Көрсетілген әлеуметтік топтарға жазылған, комментарий жасаған немесе осы топтардың жарияланымдарына«лайк» басқан әлеуметтік желінің кез келген пайдаланушысы дәл осылайша конклюденттік іс-әрекеттерді жасайды және осы жарғының шарттарын сөзсіз және толық көлемде қабылдайды.

35 - 3. Әлеуметтік топтарды «INDIGO: Электрондық балабақша» өнімінің (бұдан әрі – INDIGO) құқық иесі коммерциялық емес мақсатта құрды. Мектепке дейінгі ұйымдар мен ата-аналарға мектепке дейінгі білімніңзаң мәселелері бойынша консультация беру үшін. Топ қоғамдық бастауларға негізделген және өзінің жазылушылары үшін тегін болып табылады.

35 - 4. Топтың құрылуы Қазақстан Республикасындағы білімнің сапасын арттыру секілді INDIGO-ның миссиясын бейнелейді. Біз білім – бұл өнім деп сенеміз. Өте «қымбат», күрделі, оның «инвестицияларын қайтару» жылдарға созылуы мүмкін. Сол себепті әр бала, кез келген отбасы мен мемлекет үшін стратегиялық тұрғысынан маңызды. Оның үстіне, мектепке дейінгі білім түріндегі білім өнімі – сәбиіңіздің келешектегі жолының іргетасы.

35 - 5. Сондықтан мектепке дейінгі ортаны жетілдіруге бар күшімізді салудамыз: автоматтандырылған жүйелерді жасаймыз, заңнаманы жетілдіру жөніндегі ұсыныстарды енгіземіз. Және, әрине, ата-аналармен, мектепке дейінгі ұйымдармен және білім беру бөлімдерімен ауқымды түсіндіру жұмысын жүргізудеміз.

35 - 6. Аталған әлеуметтік топтар – мектепке дейінгі ұйымдардың және балалардың заңды өкілдерінің нормативтік сауаттылық деңгейін арттыру бойыншаINDIGO стратегиясының бір бөлігі. Өкінішке орай, қазіргі таңда мектепке дейінгі білім саласында қалыптасқан жағдай нәтижесінде көптеген ата-аналар және тіпті балабақшалар өз араларындағы қарым-қатынастарды реттейтін нормативтер жайында бейхабар болуда.

35 - 7. Тараптардың өкілдері заңнамадағы өзгерістерді қадағаламайды, ол болса үнемі өзгеріп, жаңарту үстінде. Заң техникасының қағидаларын меңгермеген. Және нормативтік құжаттарды дұрыс оқып, түсіндіре алмайды. Тіпті нормативтік құжаттардың тізімі және олардың атаулары көптеген адамдар үшін әлі де қол жеткізе алмайтын ақпарат болып табылады.

35 - 8. Жалпы алғанда, бұның барлығы жанжалдарды тудырады, екі тараптың құқықтары да бұзылады. Тараптар нормативтік талаптарды сенуге болмайтын ақпарат көздерінен алып, оларды бұрмалайды және таратады.

35 - 9. Біздің топтар баяндалған жағдайды өзгертуге арналған. Осы топтарда біз мектепке дейінгі білімнің кез келген мәселеріне арналған мақалаларды жариялаймыз, жазылушылардың сұрақтарын ортаға салып, талқылаймыз. Заңнамадағы өзгерістер туралы мәлімет береміз.INDIGO жүйесінің нормативтік талаптарды қалай жүзеге асыратыны және оны қалай дұрыс пайдалануға болатыны туралы баяндаймыз.

35 - 10. Назар аударыңыз. Біз барлық тараптарға консультация беріп, көмектесеміз. Ата-аналарға да, мектепке дейінгі ұйымдарға да. Алайда біз бірде-бір тарапты жақтамаймыз да, ізіне түспейміз де. Біздің міндетіміз – қолданыстағы заңнаманың нормалары туралы ақпарат беру. Қандай да болмасын.

35 - 11. Ол үшін мақалаларды жазу және әлеуметтік желілердегі сұрақтарға жауап беру үшін бірнеше департамент арнайы жұмыс істейді. Олардың бірі – заң департаменті. Біз бар ынтамен жұмыс істеген соң Сізден бір-бірлеріңізге және жұмысымызға құрметпен қарауыңызды сұраймыз. Және мынадай ережелерді сақтауыңызды өтінеміз:

  1. Жұрттың барлығы қателесуі мүмкін, оның ішінде біз де. Егер белгілі бір мәселеге деген біздің көзқарасымыз ұнамаса, біздің секілді сіздің де бұған толық хақыңыз бар. Біз заңнама мен сот тәжірибесіне негізделген өз ұстанымды жариялаймыз. Ақиқатты тек сот сатылары ғана орната алады.
  2. Жарияланымдарымыздың көмегімен «жағымсыз» жаңалықтар жайында естіген соң естеріңізде болсын: біз заңдарды жазбаймыз. Біз қолданыстағы нормативтік талаптар туралы ғана баяндадық. Егер оқып жатқан мақалаңыз өзіңізге ұнамаса – әттеген-ай, «заңның аты заң», ал ел азаматтарының құқықтарымен қатар міндеттері де бар.
  3. Топтардың жазылушылары жарияланымдарға қатысты өз пікірлерін білдіре алады, сондай-ақ сұрақтарды қоюға болады. Оның ішінде, жеке жазып та. Бір-біріне жауап бере алады, сондай-ақ міндетті түрде авторлығымызды көрсетіп және ақпарат көзіне сілтеме жасап, мақалаларымызды тарата алады.
  4. Топтардың жазылушылары бір-біріне қарай сыпайылық танытуға тиіс. Басқаларға тіл тигізетін, қорлайтын және т.б. осындай секілді комментарийлер мен хабарламаларға жол берілмейді.
  5. Осы топтардың тақырыптарына жатпайтын хабарламалар мен комментарийлерді жариялауға тыйым салынады.
  6. Осы жарғының ережелерін бұзғаны үшін біз пайдаланушыларды бұғаттауға және ескертусіз комментарийлерді жоюға құқылымыз. Біз тіркелген бұзушылықтың дәрежесі мен түрі туралы шешімді өз бетінше қабылдаймыз.
  7. INDIGO жүйесі енгізілмеген өңірлерде тұратын жазылушыларға да консультация беріледі. Алайда бұл жағдайда біз заң және әдістемелік мәселелер бойынша ғана консультация бере аламыз. Біз INDIGO-дан басқа, өзге жүйелер бойынша техникалық консультация бермейміз.
  8. Біз жеке консультация бермейміз, яғни келіссөздерді жүргізуге және жазылушылардың жеке мәселелерін шешуге көмектеспейміз. Ол үшін ақылы заң кеңселеріне жолығу керек.
  9. Біз өзіміздің дұрыс екенімізді дәлелдеумен айналыспаймыз. Мақалалар мен консультациялардың барлығы қолданыстағы заңнаманың нормаларына негізделген. Өз еңбегімізде қарапайым тілмен жазылған жұмыс қорытындыларын жариялаймыз. Біз кеңейтілген себеп-салдар негіздемелерін және толық есептеулерді бермейміз — бұл ақылы заң кеңселерінің қызметіне жатады.
  10. Біз кімге консультация беретінімізді өзіміз шешеміз. Біз мақалалар мен комментарийлерде бірнеше рет қаралған мәселелерге жауап бермеуіміз мүмкін. Өзі қаламайтын пайдаланушыға көмектесу мүмкін емес. Оқуға болады және оқу керек.
  11. Жарияланатын материалдардың барлығы «Авторлық құқық және сабақтас құқықтар туралы» заңымен қорғалған жәнеINDIGO бағдарламалық өнімінің құқық иесіне тиесілі.
  12. Барлығы сіз оқығандай, қорқынышты емес. Біз де ата-анамыз және жазылушыларымызға түсіністікпен қарауға тырысамыз, өйткені қателеспейтін адам жоқ. Ең бастысы, біздің қарсы шығатынымыз — көзқарастардың біржақтылығы мен сыни ойлау қабілетінің болмауы.